由上年暑假開業到宜家接近一年,終於一嚐英國型男大廚開的Jamie’s Italian餐廳。一路以來都無乜衝動想來潮聖,1) 因為我唔係Jamie Oliver的粉絲,2) 聽親的comments唔係名過於實就係平平無奇,所以今次來食都無抱太大期望。 因為一早已經訂咗枱,所以一上去就有位,不過樓下亦未見有人排隊。被安排到餐廳較入位置,環境偏暗,不過格調幾好。餐牌設計簡約清晰,有中英文versions,照顧到唔同客人的需要。
印尼餐廳除咗尖東好時,仲有間觀塘好運,連經常出入觀塘的男友都未聽過。 餐牌得字無相,睇得明D字又唔知其實係乜。最終由店員協助下叫咗個印尼黃錦飯*,即雜錦黃薑飯,係呢度的推介,有印尼炸雞、巴東牛肉、半隻蛋同芽菜、青瓜同甜脆花生等配菜。黃薑飯色香味俱全,而且炒得夠乾身,非常好食。巴東牛肉肉質軟腍,椰味香濃,非常入味,不過都幾辣下。 印尼黃錦飯 食得印尼菜,點少得沙嗲呢?因為無得互mix的關係,揀咗半打沙嗲羊肉。炭燒羊肉肉質鬆化軟嫩,加上少少羊脂同點點羊羶,香口惹味,沙嗲醬夠哂椰香,不過食慣有花生粒粒,呢度就無。
本地薑西班牙餐廳由中環BCN原店搬往美食天堂大坑,改名Paella Paella。雖然之前未試過檔次較高既BCN,不過新店感覺親民、設計夠raw,又有另一番風味﹗最欣賞餐廳對食材同煮法既要求,大部份食材均由西班牙運港,烹調做法依足傳統之餘,更加入創意調製新口味,非常有heart﹗ 食西班牙菜飲sangria是常識吧?Paella Paella既1 jar sangria雖然都唔太便宜,不過確實係好大jar,4個人每人都可以飲到2-3杯﹗最窩心既係連冰都用sangria整,就算溶咗都唔會整淡酒味,有心思,值得加分﹗
又係weekend食好野既時間﹗同事推介呢間多國菜餐廳 – Onion。坐低之後,侍應就比menu我地,話是日餐湯有洋蔥湯同野菌湯,我一聽到野菌湯諗都唔駛諗就揀咗,男友就揀洋蔥湯。之後到揀appetizer,平時D餐廳通常都係3揀1或者2揀1,我仲心思思諗緊揀邊樣,點知原來係starter platter,即係前菜拼盤,有湯之餘仲有沙律同我最鍾意既scallop carpaccio!Main course呢,我好快就揀咗char-grilled ribeye steak,要5成熟。正當男友15/16唔知揀邊樣之際,侍應哥哥話仲有兩個hidden dish,其中一個就係燒春雞,男友聽到二話不說就揀咗呢個嚕!
話說男友生日訂咗Mr Steak Buffet a la minute buffet,我自己就第一次食,仲以為真係有好多好正既牛食添﹗雖然都有超級香口好味既和牛片,不過如果多多幾款steak食下就好喇~ 本身訂咗7點半個session ($528),但係同5點session ($398) 個價差太遠,所以最後寧願早D食都好過比咁貴。 一開波黎到已經見到D人排緊生蠔,一向唔好生蠔既我就梗係去攞煎鴨肝同牛喇﹗咁啱個時仲要無人排,正﹗法式煎鴨肝加埋香脆法包真係好好食呀,入口即溶,味道濃而不膩,一定要keep住追加﹗個人建議加埋甜莓醬食,酸酸甜甜更加唔會覺得膩﹗和牛更加唔駛講喇,只怪自己食太少><