【Buffet 專題】Mr Steak 之又食又拎生日 buffet
話說男友生日訂咗Mr Steak Buffet a la minute buffet，我自己就第一次食，仲以為真係有好多好正既牛食添﹗雖然都有超級香口好味既和牛片，不過如果多多幾款steak食下就好喇~ 本身訂咗7點半個session ($528)，但係同5點session ($398) 個價差太遠，所以最後寧願早D食都好過比咁貴。
一開波黎到已經見到D人排緊生蠔，一向唔好生蠔既我就梗係去攞煎鴨肝同牛喇﹗咁啱個時仲要無人排，正﹗法式煎鴨肝加埋香脆法包真係好好食呀，入口即溶，味道濃而不膩，一定要keep住追加﹗個人建議加埋甜莓醬食，酸酸甜甜更加唔會覺得膩﹗和牛更加唔駛講喇，只怪自己食太少><
跟住就食下D冷盤，我同男友分頭行事，佢拎prosciutto ham同蜜瓜，我就拎長腳蟹。海鮮冷盤主要有長腳蟹、青口同蝦，款式唔多，不過大家都係專攻蟹腳架喇﹗味道一般，無咩特別。
之後男友排生蠔之際，我就攞刺身，跟手再匯合佢。條生蠔隊之所以咁長係因為師傅即開蠔殼即上碟，每人一次可以攞到5隻唔同產地既蠔，而今日就係下面呢幾款嘞﹗不過呢5款我都唔多鍾意食，有成2、3隻都係海水味極重….重到鹹….一D鮮甜味都無﹗尤其第3隻係鹹到癲….跟呢個次序食唔多okay囉﹗
刺身反而唔錯，帶子同蝦好鮮。之後再試埋海膽，味道就一般，有D腥味，如果可以配紫菜食我諗效果會好D~
因為男友生日既關係，事前我已經同餐廳預留咗份蛋糕同寫賀語，不過侍應係毫無通知下就捧蛋糕出場，真係夠哂surprise@@ 不過件蛋糕既味道真係好麻麻﹗跟住逐漸發現身邊有好多人都捧住碟心太軟又寫哂字咁，先知原來buffet即晚都有呢個service，仲特登有個位專比食客留言添﹗我肯定個心太軟係好食過我地個蛋糕囉﹗不過有呢個玩意又幾好既，人人都可以即興留言祝賀﹗
另外，因為係正日生日，所以除咗有蛋糕送，餐廳仲送咗張$100 cash coupon比我地，但係下次先用得呢~ 希望有機會再黎喇﹗
最尾食埋香蕉船至走﹗其實仲有好多甜品，不過真係太飽，食唔到咁多><
ABOUT THE AUTHOR
Hello We are OddThemes, Our name came from the fact that we are UNIQUE. We specialize in designing premium looking fully customizable highly responsive blogger templates. We at OddThemes do carry a philosophy that: Nothing Is Impossible
 ，但係同 5...){kind=link}
0 意見:
Post a Comment