觀塘工廈的cafe越開越多,越開越有特色同賣點!就好似呢間位於巧明工廠大廈5樓新開的Oldish,相信一班蒲開觀塘的潮人文青一定去過呢個單位,因為之前久唔久都會搞d pop-up sale,好似start from zero呢d品牌等。宜家呢度就變身成為潮玩復古同工業風的cafe,集手作工作室、時裝店同咖啡店於一身,將vintage融合cafe。
終於一試大隻仔係旺角開設的雪糕店Stacks Ice Cream,主打曲奇雪糕三文治,價錢$38-48,雪糕口味多達7款,仲有4款曲奇任揀,最新發現仲有菠蘿包揀添,都幾吸引! 第一次食揀咗Cookie Monster ($38),貪佢藍色幾得意,再夾Double Chocolate曲奇,加埋朱古力脆波topping,每款topping加$2。其實食唔出雪糕係咩味,甜咗dd,不過雪糕入面有曲奇碎碎又幾好味、幾有咬口。反而比較欣賞塊曲奇,好鬆脆好夠朱古力味!
Burger熱潮席捲中環,開業4個月左右的Double D以4吋厚的雙層芝士牛肉Double D Burger打響名堂,吸引咗唔少漢堡fans。 雙層牛肉以100%天然草飼澳洲牛手打以成,非常豐厚彈牙,不過就唔多夠肉香同肉汁。肉汁雖然欠奉,不過signature的Double D汁加埋半溶香濃芝士,就足以令你對手dirty & decadent﹗所以開始咗食呢個burger之後係完全影唔到相XD 仲超級”leh hea”~ 而鍾意食辣的朋友仲可以用沿牆邊一支支唔同牌子 + 唔同口味的辣醬調味,一定食到噴火﹗Burger的麵包雖然係自家製作,不過就食唔出咩特別。